ҲАМКОРИҲО ВУСЪАТ МЕЁБАНД

23-24 сентябри соли равон бо ташаббуси Ташкилоти Байналмилалии Меҳнат (МОТ) дар доираи амалигардонии Ёддошти тафоҳум байни Федератсияи иттифоқҳои асабаи мустақили Тоҷикистон ва Федератсияи иттифоқҳои касабаи Ӯзбекистон дар шаҳри Хуҷанди вилояти Суғд, семинар дар мавзӯи «Меъёрҳои байналмилалии меҳнат» баргузор гардид. 
Дар кори семинар мудири бахши Аврупо – Осиёи Марказии ТБМ (МОТ) – Сергеюс Гловацкас, раиси Федератсияи иттифоқҳои касабаи мустақили Тоҷикистон – Қодири Қосим, раиси Федератсияи иттифоқҳои касабаи Ӯзбекистон – Қудратулло Рафиқов ва роҳбарони кумитаҳои соҳавии иттифоқҳои касабаи Тоҷикистон ва намояндагони иттифоқҳои касабаи Ӯзбекистон иштирок намуданд. 
Дар рафти семинар иқтидори иттифоқҳои касабаи Тоҷикистон ва Ӯзбекистон барои пешбурди талаботҳои меҳнати арзанда тавассути ҳамкориҳои самаранок дида шуд.