Санаи 20-октябри соли 2022 Кумитаи ҷумҳуриявии иттифоқи касабаи кормандони муассисаҳои давлатӣ, ҷамъиятӣ ва бонкии Тоҷикистон дар толори маҷлисгоҳи Федератсияи иттифоқҳои касабаи мустақили Тоҷикистон бахшида ба иди касбӣ «Рӯзи иттифоқҳои касаба - 24 октябр» чорабинии тантанавӣ баргузор намуд.
Дар чорабинии мазкур раиси Федератсияи иттифоқҳои касабаи мустақили Тоҷикистон Неъматзода Маликшо, раиси кумита ва як қатор фаъолони ташкилоту муассисаҳои иттифоқи касабаи соҳа иштирок доштанд.
Чорабинии тантанавиро раиси Кумитаи ҷумҳуриявии иттифоқи касабаи кормандони муассисаҳои давлатӣ, ҷамъиятӣ ва бонкии Тоҷикистон Назарзода Наргис оғоз намуда, сипас Неъматзода Маликшо раиси Федератсияи иттифоқҳои касабаи мустақили Тоҷикистон, Ҳоҷизода Бурҳон Сайфиддинӣ муовини раиси ташкилоти ибтидоии иттифоқи касабаи Дастгоҳи иҷроияи Президенти Ҷумҳурии Тоҷикистон, Юсуфзода Искандар Ғоибназар Полковник-Сардори Раёсат оид ба корҳои сиёсӣ-тарбиявии Вазорати мудофияи Ҷумҳурии Тоҷикистон, Ҷафарзода Абдувалӣ Ҳусейн Директори Дипартаменти қарздиҳии Бонки давлатии амонатгузории Ҷумҳурии Тоҷикистон, «Амонатбонк» Ҷонмамадзода Меҳринамо Худодод раиси ташкилоти ибтидоии иттифоқи касабаи Вазорати молияи Ҷумҳурии Тоҷикистон, Мақсатуллозода Парвиз раиси ташкилоти ибтидоии иттифоқи касабаи Вазорати меҳнат, муҳоҷират ва шуғли аҳолии Ҷумҳурии Тоҷикистон, кормандон ва аъзоёни Кумитаи иттифоқи касабаи соҳавиро ба муносибати Рӯзи иттифоқҳои касаба табрик намуданд.
Дар ҳамоиши мазкур фаъолони иттифоқи касабаи соҳа бо нишони сарининагӣ, «Ифтихорнома» ва «Сипоснома»-ҳо қадрдонї гардидаанд.